មណ្ឌលគិរីៈ កម្មករវៀតណាម
និងកម្លាំងចម្រុះរបស់អាជ្ញាធរស្រុកកែវសីមា ប្រមាណជា ៧០ នាក់
បានដុត និងឈូសបំផ្លាញខ្ទមពលរដ្ឋអស់ ១៣៦
ខ្នងកាលពីល្ងាចថ្ងៃអង្គារ
ដើម្បីបណ្តេញពួកគេចេញពីដីសហគមន៍ដែលរដ្ឋាភិបាលផ្តល់ឲ្យក្រុមហ៊ុន
វៀតណាម។
កម្លាំងប្រដាប់អាវុធចម្រុះក្នុងស្រុកកែវសីមា រួមនឹងកម្មករវៀតណាមរបស់ក្រុមហ៊ុនប៊ិនភៀក ១ បានសហការគ្នាដុតបំផ្លាញ និងប្រើគ្រឿងចក្រឈូសឆាយខ្ទម និងរោងស្នាក់នៅរបស់អ្នកភូមិចំនួន ១៣៦ ខ្នងកាលពីរសៀលថ្ងៃអង្គារ នៅភូមិចក់ចារ ឃុំស្រែឈូក ស្រុកកែវសីមា។ នេះបើតាមការអះអាងរបស់អ្នកភូមិ និងអង្គការអាដហុកខេត្តមណ្ឌលគិរី។
ម្ចាស់ខ្ទមម្នាក់ឈ្មោះម៉ម សារ៉ុតអាយុ ៣១ ឆ្នាំបានថ្លែងថា៖
«វៀតណាមប្រហែលជា ៤០ នាក់ទៅដល់ដុត ហើយយកអាអិចឈូសតែម្តង។
មានកម្លាំងប៉ូលិសឈរចាំជួយការពារកុំឲ្យម្ចាស់ខ្ទមចូលទៅជិត»។
អង្គការអាដហុក បានហៅសកម្មភាពដុតបំផ្លាញនោះថា ជាវិធានការ «ក្តៅគគុក» នៅលើដីជម្លោះពីសំណាក់ក្រុមកងកម្លាំងប្រដាប់អាវុធ និងមន្ត្រីស្រុកកែវសីមា ដែលសហការជាមួយកម្លាំងក្រុមហ៊ុន។ កម្លាំងទាំងនោះមានប្រមាណជា ៧០ នាក់រួមមាន ប៉ូលិស អាវុធហត្ថ ទាហានមន្ត្រីសាលាស្រុក និងកម្លាំងក្រុមហ៊ុនវៀតណាមជាច្រើននាក់ផ្សេងទៀត។ ក្រៅពីនោះក៏នៅមានឡានបាញ់ទឹក ១ គ្រឿង ឡានសៀរ៉ែន ១ គ្រឿង និងគ្រឿងចក្រផ្សេងៗទៀតផងដែរ។
លោក សារ៉ុត បានបន្ថែមថា ពួកគាត់ ២១១ គ្រួសារ ដែលភាគច្រើនជាជនជាតិដើមភាគតិចព្នងបានសង់ខ្ទម និងរោងស្នាក់នៅចំនួន ១៧២ ដើម្បីការពារដីកុំឲ្យក្រុមហ៊ុនប៊ិនភៀក ១ ឈូសឆាយរំលោភយក។ ប៉ុន្តែក្រុមហ៊ុន និងកម្លាំងចម្រុះ បានប៉ុនប៉ងដុតបំផ្លាញទាំងអស់ ហើយពួកគាត់ជាង ៦០ នាក់បានចេញទៅរារាំងទើបគេព្រមឈប់បន្ទាប់ពីដុតអស់ ១៣៦ ខ្ទម និងរោងមក។
លោក សុក រដ្ឋា អ្នកសម្របសម្រួលអង្គការសិទ្ធិមនុស្សអាដហុក ខេត្តមណ្ឌលគិរី បានឲ្យដឹងថា អាជ្ញាធរ និងក្រុមហ៊ុន មានជម្រើសផ្សេងក្រៅពីការប្រើវិធានការហិង្សា និងក្តៅបែបនោះដើម្បីរកដំណោះស្រាយ ព្រោះថា ដីនោះជាដីមានជម្លោះ ដែលប៉ះពាល់ដល់ជនជាតិដើមភាគតិច។ លោករដ្ឋា បានបន្តថា៖ «នេះជាការដុតបំផ្លាញលើកទី ពីរ ហើយ ដែលអាជ្ញាធរគួរតែបញ្ឈប់វិធានការហិង្សានេះ ហើយងាកមករកការចរចាវិញ។ ក្រុមហ៊ុនមកវិនិយោគនៅកម្ពុជាគួរតែគោរពច្បាប់ និងយោគយល់ដល់ជនជាតិដើម ហើយកាត់ផលប៉ះពាល់ចេញ»។
ទោះយ៉ាងណា លោក ញ៉ែម វ៉ាន់នី ស្នងការនគរបាលខេត្តមណ្ឌលគិរី បានថ្លែងថា ដីនោះ គឺជាដីក្រុមហ៊ុនប៊ិនភៀក ១ ដែលរដ្ឋាភិបាលបានផ្តល់ឲ្យដើម្បីដាំកៅស៊ូ។ ប៉ុន្តែបន្ទាប់ពីក្រុមហ៊ុនធ្វើការឈូសឆាយរួច ប្រជាពលរដ្ឋទាំងនោះ បានទៅចាប់យកដីអនាធិបតេយ្យ ហើយក្រុមហ៊ុនបានស្នើឲ្យអាជ្ញាធរខេត្តជួយចាត់វិធានការតាមច្បាប់ ដើម្បីយកដីធ្វើការដាំដុះតាមផែនការ។
លោកស្នងការបានបញ្ជាក់ថា៖ «អាជ្ញាធរបានជូនដំណឹងជាច្រើនលើកច្រើនសាហើយក្នុងរយៈពេល ២ ឆ្នាំនេះឲ្យគាត់រុះរើចេញ តែពួកគាត់មិនព្រម មិនដឹងមកពីណាពីណីខ្លះទេ ច្រើនណាស់ ទើបកម្លាំងចុះទៅតាមសំណូមពររបស់ក្រុមហ៊ុន»៕
ប្រភព ៖ ភ្នំពេញប៉ុស្តី
កម្លាំងប្រដាប់អាវុធចម្រុះក្នុងស្រុកកែវសីមា រួមនឹងកម្មករវៀតណាមរបស់ក្រុមហ៊ុនប៊ិនភៀក ១ បានសហការគ្នាដុតបំផ្លាញ និងប្រើគ្រឿងចក្រឈូសឆាយខ្ទម និងរោងស្នាក់នៅរបស់អ្នកភូមិចំនួន ១៣៦ ខ្នងកាលពីរសៀលថ្ងៃអង្គារ នៅភូមិចក់ចារ ឃុំស្រែឈូក ស្រុកកែវសីមា។ នេះបើតាមការអះអាងរបស់អ្នកភូមិ និងអង្គការអាដហុកខេត្តមណ្ឌលគិរី។
អង្គការអាដហុក បានហៅសកម្មភាពដុតបំផ្លាញនោះថា ជាវិធានការ «ក្តៅគគុក» នៅលើដីជម្លោះពីសំណាក់ក្រុមកងកម្លាំងប្រដាប់អាវុធ និងមន្ត្រីស្រុកកែវសីមា ដែលសហការជាមួយកម្លាំងក្រុមហ៊ុន។ កម្លាំងទាំងនោះមានប្រមាណជា ៧០ នាក់រួមមាន ប៉ូលិស អាវុធហត្ថ ទាហានមន្ត្រីសាលាស្រុក និងកម្លាំងក្រុមហ៊ុនវៀតណាមជាច្រើននាក់ផ្សេងទៀត។ ក្រៅពីនោះក៏នៅមានឡានបាញ់ទឹក ១ គ្រឿង ឡានសៀរ៉ែន ១ គ្រឿង និងគ្រឿងចក្រផ្សេងៗទៀតផងដែរ។
លោក សារ៉ុត បានបន្ថែមថា ពួកគាត់ ២១១ គ្រួសារ ដែលភាគច្រើនជាជនជាតិដើមភាគតិចព្នងបានសង់ខ្ទម និងរោងស្នាក់នៅចំនួន ១៧២ ដើម្បីការពារដីកុំឲ្យក្រុមហ៊ុនប៊ិនភៀក ១ ឈូសឆាយរំលោភយក។ ប៉ុន្តែក្រុមហ៊ុន និងកម្លាំងចម្រុះ បានប៉ុនប៉ងដុតបំផ្លាញទាំងអស់ ហើយពួកគាត់ជាង ៦០ នាក់បានចេញទៅរារាំងទើបគេព្រមឈប់បន្ទាប់ពីដុតអស់ ១៣៦ ខ្ទម និងរោងមក។
លោក សុក រដ្ឋា អ្នកសម្របសម្រួលអង្គការសិទ្ធិមនុស្សអាដហុក ខេត្តមណ្ឌលគិរី បានឲ្យដឹងថា អាជ្ញាធរ និងក្រុមហ៊ុន មានជម្រើសផ្សេងក្រៅពីការប្រើវិធានការហិង្សា និងក្តៅបែបនោះដើម្បីរកដំណោះស្រាយ ព្រោះថា ដីនោះជាដីមានជម្លោះ ដែលប៉ះពាល់ដល់ជនជាតិដើមភាគតិច។ លោករដ្ឋា បានបន្តថា៖ «នេះជាការដុតបំផ្លាញលើកទី ពីរ ហើយ ដែលអាជ្ញាធរគួរតែបញ្ឈប់វិធានការហិង្សានេះ ហើយងាកមករកការចរចាវិញ។ ក្រុមហ៊ុនមកវិនិយោគនៅកម្ពុជាគួរតែគោរពច្បាប់ និងយោគយល់ដល់ជនជាតិដើម ហើយកាត់ផលប៉ះពាល់ចេញ»។
ទោះយ៉ាងណា លោក ញ៉ែម វ៉ាន់នី ស្នងការនគរបាលខេត្តមណ្ឌលគិរី បានថ្លែងថា ដីនោះ គឺជាដីក្រុមហ៊ុនប៊ិនភៀក ១ ដែលរដ្ឋាភិបាលបានផ្តល់ឲ្យដើម្បីដាំកៅស៊ូ។ ប៉ុន្តែបន្ទាប់ពីក្រុមហ៊ុនធ្វើការឈូសឆាយរួច ប្រជាពលរដ្ឋទាំងនោះ បានទៅចាប់យកដីអនាធិបតេយ្យ ហើយក្រុមហ៊ុនបានស្នើឲ្យអាជ្ញាធរខេត្តជួយចាត់វិធានការតាមច្បាប់ ដើម្បីយកដីធ្វើការដាំដុះតាមផែនការ។
លោកស្នងការបានបញ្ជាក់ថា៖ «អាជ្ញាធរបានជូនដំណឹងជាច្រើនលើកច្រើនសាហើយក្នុងរយៈពេល ២ ឆ្នាំនេះឲ្យគាត់រុះរើចេញ តែពួកគាត់មិនព្រម មិនដឹងមកពីណាពីណីខ្លះទេ ច្រើនណាស់ ទើបកម្លាំងចុះទៅតាមសំណូមពររបស់ក្រុមហ៊ុន»៕
ប្រភព ៖ ភ្នំពេញប៉ុស្តី
No comments:
Post a Comment